Un nana ya tahya y ya lancia con un miembro del barabgay tanod de Culianan del Domingo por la noche.
El victima amo si Owen Pantaleon Alvarez, 46, casao, tanod del mencionao barangay.
Mientras el hechor amo si Conception Ramiliano Rodriguez, 56, el edad, casao de Pasobolong.
El victims ya sufri cuantos tajo y un lanciada na cuerpo y ya lleva core conel na hospital.
Asegun na report del Culianan Police Station at aparese antede de sosede el sangrino soseso, el anac de Conception si Ryan junto consu maga compañero ta man tomajan na un taberna na Culianan banda alas 9 del noche.
Nohay tarda, el compañero de Ryan si Romel Ramacho y el untal Eric ya man estrinajan amediante el destos buracherias.
Si Ryan ya entra vera canila mientras si Alvarez como un tanod ya precura apasegua canila.
Pero asegun ya rabya si Ryan y ya bolbe este na diila casa y cosa-cosa ya abisa consu nana.
Porcausa deste,si Conception junto consu tres anac hombre ya anda nalugar del soseso y ya confronta con Alvarez.
Pero derepente ya lang si Conception ya arangca bolo y ya empesa hace jalabas y lancia con Alvarez.
Con Alvarez ya lleva na hospital mientras con Conception ya aresta el maga pulis.
