NANG-AGAW SANG LUGAR | Membro sang Philippine Army kag mga anak sini, pilason sa bunggoanay sang motorsiklo sa Linambasan, Jamindan!

Jamindan, Capiz- Pilason ang isa ka membro sang Philippine Army matapos nga nabunggoan sang kasugata nga motorsiklo ang ginamaneho sini nga motor alas 3:55 sang hapon sa Barangay Linambasan, Jamindan.

Ginkilala ang biktima kay Sgt. Ronniel Guillermo y Cusay, 38-anyos sang Brgy Baye-baye, Jamindan, Capiz nga nag-angkon sang pilas sa iya ulo samtang pilason man ang duha sini nga mga anak nga nakasakay sa iya.

Base sa imbestigasyon sang Jamindan PNP, ginasubay sang biktima ang national road sang hinali nga nang-agaw sang lugar ang kasugata nga motorsiklo nga ginamaneho sang menor de edad nga may duha pa gid ka mga backrider nga lunsay mga menor de edad man.


Lunsay ginpangdala sa Mambusao District Hospital ang mga biktima samtang gintratar naman sa Jamindan Rural Health Unit ang mga menor de edad nga nag-angkon sang mga gasgas sa kalawasan.

Sa subong yara na sa kustodiya sang kapulisan sang Jamindan ang mga motorsiklo sang mga ini.

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments