Nangawat lagari, screw driver, nagpanago pa sa pension house, dakop

122

BACOLOD CITY – Nadakpan ang isa ka suspek nga nag-sulod sa isa ka establishment sa Mirasol Building, Cuadra St. diri sa ciudad sang Bacolod.

Pasado alas 7 kahapon sang aga sang ma-diskubrehan sang tag-iya nga si Romulo Cabia nga gin-guba ang likod nga bahin sang ila establishment sa diin guba ang roll up door sini.

Nadala sang suspek ang mga mechanical tools lakip diri ang grinder, electric drill, exhaust fan, screw drivers, kag mga lagare.

Sa ginpatigayon nga follow up operations, nadakpan ang suspek nga si Jorien Villanueva, 37 anyus, residente sang banwa sang Manapla.

Ini sya ang nadakpan sa sulod sang isa ka pension house sa diin na-recover sang otoridad ang mga mechanical tools./dyHB BACOLOD

Facebook Comments