General Santos City—Patay ang wala pa mailhing suspetsado human nga misukol sa miresponding police human niining giilog ug gisuwayan ug sibat ang traysikad nga iyaha sa biktimang si Eduardo Tobalado nga taga Purok 11, Barangay Lagao Gensan ala 1:00 ang takna sa kabuntagon.
Una nang midangop ang biktima sa buhatan sa Police Station 3 human nga pugsanon matud pang giilog sa suspetsado ang iyang traysikad sa mao area sa Barangay lagao.
Paspas usab nga mirespondi ang kapulisan diin naabtan ang suspek sa may Purok 9, sakop sa Barangay Katangawan. Dihang siya nakorner sa kapulisan didto na niini gikuha ang iyang sundang ug gigukod ang usa ka police maong napugos na lamang ang mga police nga siya posilon.
Nakaangkon ug samad sa iyang tyan ang suspetsado kansa gilayon nga gidala sa Dr. Jorge Royecas Hospital apan gideklara kining dead on arrival.
Ang suspek nakasul-ob lang ug itom nga T-shirt ug adunay tattoo ng MG sa iyang duha ka mga kamot.
