BAGO CITY – Bangod kay ginhangkat away kag gintapungol pa, amu ini ang rason kon ngaa nga nagbalos ang 30 anyos nga nakilala kay Juvy Francisco sang Purok Mahirup, Barangay Busay.
Natabo ang insedente las 5:15 kahapon sang hapon sa Calumangan Rice Mill, Barangay Calumangan.
Nakilala naman ang biktima kay July Beronio, 27 anyos sang Purok Cosmos, Barangay Calumangan.
Suno sa Bago PNP, pila ka beses nga hinangkat tapungulay ni July si Juvy apang wala niya ini ginasapak.
Tubtob nga nainit si July kag napatup-an nya gid tapungol si Juvy.
Bangod man sa kainit kag kaugot, kumuha ini sang iya .38 nga rebolber kag tiniro sa likod ang biktima.
Gilayon nga gindala sa ospital si July samtang si Juvy naman ang nagpalagyo.
Facebook Comments
