Nangkatag nga listahan sa mga myembro sa GKKK nga makadawat ug kwarta, gikatingala ni Konsehal GAcal

32

General Santos City–Gikatingala ni Gensan City Councilor Jeng Gacal Chairman sa kometiba sa Budget and Finance sa konseho nganong naay listahan sa mga pangalan nga nakaabot na karon sa mga Kapitan sa Barangay nga matud pa gikatakda nang marelesan og kwarta gikan sa City Treasurers Office sa Gensan.

Una nang mipalag ang pipila ka mga Barangay Kapitan tungod wala silay idea kung asa gikuha sa syudad ang maong mga pangalan nga gikaingong masterlist sa GKKK kun Gensan Komunidad Kontra Kobid. Nasayran nga nakalatid sa maong listahan nga adunay makadawat og 4 mil ka pesos samtang ang uban kanila makadawat lamang og 1,200 pesos.

Matud pa ni Kagawad Jeng Gacal nga kwestyonable ang maong listahan tungod kay kung hinabang kini alang sa katawhan dapat patas ang gidak-on sa madawat. Gawas niini, gikwestyon usab sa konsehal kung nganong mag-una pa man nga makadawat og kwarta ang mga tawo nga nabutang sa nasampit nga listahan kaysa mga miembro sa BCCF. Una nanag gibasol ni Gacal sa buhatan sa Mayor nganong nalangan ang paghatag sa mga honorarium sa BCCF nga naghago ug trabaho sa pakigbatok sa covid 19. (JB)

Facebook Comments