General Santos City–Takda nang kasuhan sa Malungon Police Station ang usa ka 42 anyos nga lalaki kansa gialigarang nanglugos sa duha niini ka pag-umangkon sa area sa, Barangay Malandag, Malungon, Sarangani Province niadtong nakalabayng simana.
Ang suspek giilang si Janjan, 42 anyos, lumad nga taga Barangay Batomelong ug nagpuyo sa Barangay Malandag, Malungon, Sarangani Province.
Sumala sa suspek nga nakuratan nalang siya dihang siya gidakop sa kapulisan ug gialigarang iyang gilugos ang iyang 5 anyos ug 7 anyos nga pag-umangkon.
Dugang pagbutyag sa suspek nga si Alias Janjan nga suod gyud kaniya ang duha ka mga bata.
Gani kanunay matud pa sila nga nagapangayo ug kwarta ngadto kaniya, gani magsige pa ug pahagwa ang mga nasampit ngadto kaniya ug usaway atubangan pa mismo sa mga ginikanan sa mga nasampit.
Natingala nalang siya nga siya gikasuhan ug lugos sa ginikanan sa duha ka mga bata.
Gihingusgan usab sa suspek nga wala gyud siya nakadumdom nga iyang nalugusan ang iyang duha ka pag-umangkon.
Wala lang siya masayod kung iya kining nahimo dihang siya hubog ug lango sa ilimnong makahubog.
Giangkon usab sa suspek nga kakunay gyud siya nga hubog ug kung siya lango na sa ilimnong makahubog wala na siya nasayod kung unsay iyang ginahimo.
