NANUNGGAB TUNGOD GIMAUYAN SA BIKTIMA DAKPAN SA KAPOLISAN

7

[image: IFM 919 Logo (1).jpg]
Nagpabilin sa kustodiya sa Alabel Municipal Police Station ang suspek sa kasong pagpanunggab nga giila sa pangalang Erwin Pescadero 37 anyos residente sa Purok Paglas, Barangay Bagacay, Alabel probinsya sa Sarangani.

Samtang ang nahimong biktima sa insidente giila sa pangalang Elmo Aresgado 50 anyos residente sa Lower Bagacay, Alabel.

Nasayran sa imbestigasyon sa kapolisan nahitabo ang krimen sa lugar nga gipuy-an sa biktima sa Lower Bagacay.

Saysay sa suspek nga si Pescadero girespetohan lang niya ang pag-agda og inom sa biktimang si Aresgado hangtod nga natigayon ang panaglalis.

Dugang sa suspek nga nadamay na siya sa gipasakitan sa biktima human nga nagmaoy hinungdan iyang nadunggaban.

Naangkon ni Aresgado ang tulo ka samad dinunggaban sa iyang kalawasan hinungdan gidala sa pinakaduol nga ospital og didto nagpabilin nga nagpaalim.

Nangamuyo sad karon ang suspek og andam niyang bayran ang kaso og dili sad siya gustong magdugay sa selda.

Mag-atubang og tukmang kaso ang suspek.

Facebook Comments