Roxas City, Capiz- Daw ano bala kasakit nga ikaw nga bana ang nagatrabaho sa iban nga pungsod apang ang imo asawa ang nagatinunto kag malala pa ini ang madakpan mo sa mismo sulod sang inyo poluy-an?.
Ini nga kaso ang nahanabo sa isa ka barangay diri sa syudad sang Roxas kun sa diin isa ka senaryo ang natabo kag gindugokan sang mga kahilapit-balay matapos nga madakpan sang iya bana ang asawa sini nga may yara sang kahulid nga iban nga lalaki.
Pinaagi sa sugid sang pamilya sang OFW nga bana, nagdesider ini nga magpauli halin sa ginatrabahoan sa iban nga pungsod agud lamang nga dakpon sa akto ang ginahimo nga pagluib sang iya asawa.
Wala ini gilayon diretso nga magpauli sa ila panimalay, sa baylo ginhulat ang text sang iya pamilya nga kumpirmahon kun yara sa ila panimalay ang lalaki.
Alas onse sang gab-e sang ini na ang nagpadulong sa ila poluy-an kag diri, nadakpan sa akto ang pagluib nga ginahimo sang iya asawa.
