Ginbalhin sang National Police Commission 12 ang venue sang patigayunon nga PNP Entrance and Promotional Examinations sa banwa sang Tupi partikular na sa Southeast Asian Institute of Technology imbes nga sa Koronadal National Comprehensive High School.
Paklaro ni Napolcom 12 Supervising Administrative Officer Dolly Pareño nga nadesisyunan suno pa sang pamunuan nga isaylo sa Tupi ang eksaminasyon tungod medical certificate lang ang kinahanglan nga ipresentar sang examinees.
Apang kon sa syudad sang Koronadal ipatigayon ang requirement ang RT-PCR test nga mabug-at naman suno pa sa mga examinees kag mangin kabangdanan pa sang manubo nga turn-out sang magkuha sang exam.
Suno kay Pareño nagalab-ot sa 1, 060 ka mga examinees ang magapaidalom sa PNP Entrance kag Promotional Examinations sa Nobyembre 27 kag 28 subong nga tuig.
Ginsiguro man sang pamunuan suno sa iya nga istrikto nga ipatuman ang minimum health standard sa testing center.
