Pagadiann City – Hingpit na nga magamit ang bag-ong opisina sa National Police Commission NAPOLCOM -Zamboanga Peninsula Region dihang pormal na kining gi-inagorahan kagahapon sa buntag.
Nitambong sa maong okasyon si PNP-Provincial Director Police Col. Redentor Retusto ug lakip nga nisaksi si 1st District Congresswoman Divina Grace Yu ug uban pang ahensya sa gobyerno nga nakabase sa syudad.
Ang bag-ong opisina sa NAPOLCOM nga duha ka andana nga building nga maoy gamiton sa pag-akatar sa mga kleyente nga dunay transaksyon nahimutang sa Purok Santan B, PADAP Road, Brgy. San Jose ning dakbayan .
Gikalipay sa Regional Director sa NAPOLCOM nga si Atty. Pablito Abad Jr., nga nakabaton sila sa bag-ong lokasyon.
Aminado si Atty. Abad nga mas komportable sila sa bag-o ug dako nga opisina ilabina nga nadugangan ang ilang empleyado.
Biyaan na sa mga empleyado sa NAPOLCOM kanhing opisina nga nahimutang sa port area nga ilang gi-okupa sulod sa napulo ka tuig.
Ang NAPOLCOM usa ka attached agency sa Department of the Interior and Local Government nga gihasan sa police entrance examination, pag-imbestiga sa anomalya ug irregularidad sa mga pulis.
