Napulo ka mga militante kasuhan sa effigy burning

Davao City – Ipasang-at sa Davao City Police Office (DCPO) karong adlawa ang kaso batok sa mga na-identipikang mga indibidwal nga nidabdab sa tulo mga effigies atol sa State of the Nation Address (SONA) ni Pres.Rodrigo Duterte sa may Freedom Park, Roxas Avenue ning dakbayan niadtong adlawng Lunes.

Sa text gikan kang DCPO director P/Sr. Supt. Alexander Tagum, iduso nila ang kasong may kalapasan sa R.A. 9003 kun Solid Waste Management Act of 2000 ug Clean Air Act kun R.A. 8749 ngadto sa mga sakop sa progresibo’ng pundok.

“Nasa 10 persons Ma’am led by Carlo Olalo, Sec Gen of KMU-SMR,” matud ni Tagum.


Gibatbat ni Tagum sa unang interbyu sa mga tigbalita matud niini nga tataw kini nga pagsupak sa balaod sa dakbayan.

“Naa miy mga ebidensya gikuhaan namo sila’g mga video para mai-dentify namo kinsa ang mga lider, kinsay nag-instigate, kinsay nagsugo ug kinsa nagsindi og lighter para sindihan ang effigy,” matud ni Tagum

Gipasabot ni Tagum nga kung sa nakalabayng higayon gipasagdan lang nila ang gihimong pagpanunog karon ila gayod ipatuman ang balaod.

“We admit nga we come unprepared masyadong we follow exactly ang instruction nga maximum tolerance but we forgot that people are violating the law,” sumala ni Tagum.

RadyoMaN Aimee Guinita

Facebook Comments