Davao City – Daku ang pagsalig ni Toril District Barangay Mulig Kapitan Carmelo Clarion sa gibulgar ni Pres. Rodrigo Duterte labot sa 9,000 ka barangay kapitanes nga nalambigit sa iligal nga droga.
Nagtoo si Clarion nga miagi sa makuti nga pagsusi ug balidasyon ug imbestigasyon ang background sa 9,000 ka kapitan nga nalakip sa narco list ni Duterte.
Nasayod si Clarion nga dili magpataka og yawyaw ang pangulo kun walay basehan ang nakalap nga impormasyon labot sa liboan ka kapitan kay kanhi kini nga prosecutor ug abogado sa atong siyudad pila na ka dekada ang nakalabay.
Pabor usab ang opisyal nga mapabuhagay sa publiko ang pangalan sa mga kapitan nga anaa sa narco list aron dili lang makabantay ang mga botante apan malimpyohan usab ang dungog sa daghang mga kapitan nga nagtinarong sa ilang katungdanan.
Alang sa opisyal, ang pag-anunsiyo sa pangalan dili kini dakung kalapasan sa privacy ug nasabtan kini og maayo sa pamuno nasud tungod kay usa kini ka abogado ug kanhi prosecutor una paman misulod sa pagpangalagad sa katawhan.
RadyoMaN Joel Viray
