Narco list disclosure gisupak

40

Davao City – Dili sold-out si Davao City 1st District Councilor Mabel Acosta nga i-anunsiyo sa publiko ang pangalan sa mga incumbent barangay officials nga anaa sa narco list ni Pres. Rodrigo Duterte.

Dili pabor si Acosta nga isapubliko ang pangalan sa mga barangay officials nga apil sa narco list kay mualma niana ang grupong tigpanalipod sa tawhanong katungod hilabi na kun walay kaso sa korte.

Alang sa konsehala, mas maayong ipasang-at na lang ang kaso sa korte niadtong nalakip sa narco list sa pangulo kaysa ipahibalo sa publiko ang ilang personalidad nga dakung kalapasan sa ilang katungod.

Ugaling mapasakaan og kaso sa hukmanan ang anaa sa narco list magiyahan ang mga botante kung kinsa ang angay ug dili angay botaran sa piniliay sa barangay, dugang pagpasabot sa konsehala.

Gitambagan ni Acosta ang mga botante nga bukiki-on og maayo ang mga kandidato hilabi na ang mga incumbent barangay officials una ang adlaw sa paghukom sa ingon dili mudaog ang nalambigit sa iligal nga droga.

Samtang pikas bahin, uyon si 1St District Councillor Mabel Acosta nga himoong mandatory ang drug test alang sa tanang mudagan sa Barangay ug SK Election isip kabahin sa rekisitos sa mga aspirant candidates karong Mayo 14.

RadyoMaN Joel Viray

Facebook Comments