Narco nga pulis patay sa buy-bust sa kabarong pulis

[image: police-van-siren-kogi-police-ban-rallies-order-commissioners-council-chairmen-to-ideas.jpg]
Patay ang usa ka pulis nga sakop sa provincial police intelligence unit sa South Cotabato human gipailawom sa buy-bust operation sa PNP Counter-Intelligence Task Force (CITF) sa may Tajmia Economy Suites nahimutang sa Block 1 of Osita Subdivision Barangay Zone 3 Koronadal City.

Matod sa PNP-CITF si PO1 Rommel Barcellano alias “Banjo”, 38 anyos nalista sa Drug List ni Presidente Rodrigo Duterte isip Level 2 drug personality.

Atol sa entrapment operation napalitan sa poseur-buyer nga pulis si PO1 Barcellano og pakete sa shabu balor og 1000 pesos samtang nahitabo ang transaksyon gawas sa girentahang kwarto sa Suites.


Nakamatikod matod pa si PO1 Barcellano nga kabarong pulis ang nakatransaksyon hinungdan nisukol og nibunlot sa iyang .45 caliber pistol nisangko sa pinusilay.

Patay on the spot si Barcellano human makaangkon og samad pinusilan sa iyang kalawasan samtang nakarekober ang CITF og 10 gramo sa shabu, .45 caliber pistol na may duha ka magazine, kutsilyo, posas, duha ka cellphone, 1000 peso bill nga gigamit sa buy-bust.

Facebook Comments