Narco-politicians og paryente gi-operasyonan batok iligal nga droga

Pigcawayan, Cotabato Province – Gi-raid sa mga sakop sa Philippine Drug Enforcement Agency 12 batok iligal nga droga ang gikaingon nga narco-politicians na incumbent barangay kapitan ug iyahang paryente ingon man ang babayeng barangay kagawad nga nalambigit sa iligal nga negosyo sa droga Barangay Balacayon, Pigcawayan, Cotabato Province.

Sa impormasyon nga gipaabot ni PDEA 12 Spokesperson Kath Abad, bitbit sa mga naghiusang tinugyanan sa balaod gilang kuban sa PDEA Cotabato ug Sultan Kudarat Provincial Office, Pigcawayan Municipal Police Station ug 34th Infantry Battalion sa kasundalohan ang search warrant aron rondahon ang mga panimalay nilang Barangay Kapitan Daidtog Samama alyas Degs ug Barangay Kagawad Imelda Matulik alyas Melda.

Dugang pang impormasyon, pipila ka bulan nang nag-negosyo og iligal nga droga ang mga nahisgutang barangay officials sa maong lugar nga nagresulta ngadto sa pagplastar kanila isip drug target-list.


Nakamatikod matod pa ang mga opisyales sa barangay na target sa maong operasyon apan, nakuhaan og 15 ka gramo sa gidudahang shabu ang panimalay ni Kapitan Degs nga nagbalor og 102 mil pesos samtang sa panimalay ni Kagawad Melda adunay duha ka gramo sa gidudahang shabu ang nakuha nagkantidad og kapin 13 mil pesos.

Naabtan hinuon sa mga government forces sulod sa panimalay ang paryente sa mga target nga suspek nailhan nga silang Nasrudin Usman ug Mohaiman Sabang tungod nakuhaan sad og 15 ka gramo sa gidudahang shabu ang ilang panimalay.

Nakasibat usab ang kasabwat sa duha nailhan nga si Baraguer Samama na paryente ni Kapitan Degs.

Kasong pagsupak sa Section 11, Article II sa RA 9165 ang giandam nga kaso batok sa mga suspek nga nadakpan samtang pasang-atan og kaso pinaagi sa regular filing ang mga nakasibat nga target na barangay officials.

For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation

[image: narco politician.jpg]

Facebook Comments