NASUNOG UKON HUNGOD NGA GINSUNOG? | Pinakabag-o nga insidente sang pagkasunog sang duha ka 10-wheeler truck, natabo sa Roxas City kag banwa sang Panit-an!

Roxas City, Capiz- Duha ka mga 10-wheeler truck nga ginapanag-iyahan ni Myla Muyco sang MBM Construction ang nasunog.
Mga ala 1:20 kaina sang kaaganhon sa Brgy Bolo, Roxas City, nasunopg gid ang nauna nga porsyon sang nakapark nga 10-wheeler truck. Ginabanta nga nagabalor sang P500, 000 pesos ang kahalitan sini.
Samtang sa separado naman nga insidente, nasunog man ang ginapanag-iyahan sini nga truck samtang naparking sa Barangay Agkilo, Panit-an.
Sa subong nagapadayon pa ang imbestigasyon sang mga kapulisan kag mga katapo sang BFP angut sa responsable, motibo kag ginhalinan sang pagsunog sa nasambitan nga mga salakyan.