Natimpa nga Coffer Dam kabangdanan kung ham-an it owa it tubi ro irigasyon sa Western Side it Probinsya

20

Banga, Aklan— Bangud sa natimpa nga coffer dam ukon temporaryo nga punong butang nga naka eksperyensiya it kawad-an it tubi sa irigasyon sa Western Side it probinsiya.
Ginpahayag ni Engr. Racquel Reontoy, Engineer on Operations it National Irrigation Administration ukon NIA Aklan nga natimpa ro coffer dam maeapit sa intake it irrigasyon sa banwa it Malinao bangud sa mabaskog nga sueog it suba.
Suno kana nga indi makapasueod it tubi sa mga irrigation canal bangud indi makasaka ro tubi sa mismong intake.
Apektado it nasambitan nga problema ro portion it banwa it Malinao, Lezo, Numancia ag Makato kung sa siin maabo nga mga kaeanasan ro namaehan it tubi.
Nagpasalig man ro NIA Aklan nga insigida nga igapatabok ro andang Backhoe halin sa Brgy. Sigcay, Banga makaron nga hapon para maumpisahan ro pagtukod it panibag-ong coffer dam hin-aga.
Magabuhay ro nasambitan nga pagpunong it kapin sa tatlong adlaw.
Sa oras suno kana nga matapos ro andang pag-obra hay magabalik eon sa normal ro supply it tubi sa nasambit nga mga lugar.
Madumduman nga nauna eon nga nagpaabot it concern sa RMN DYKR Kalibo ro mga mangunguma sa  Brgy. Tabangka, Numancia kung sa siin nagagiltak eon ro andang mga eanas.
Nasayuran nga naging masako ro mga heavy equipment operators it NIA bangud sa desilting operations sa pila sa andang mga pasilidad sa probinsiya.
Sa pihak nga parte, ginpahayag man ni Engr. Racquel Reontoy nga magiging mabahoe nga bulig sa mga mangunguma sa probinsiya kung matapos eon ro pagtukod it Aklan River Irrigation System Dam sa masunod nga dag-on.
#TatakRMN

Facebook Comments

From Advertisers