Ginpahayag ni Vice Mayor El Cid Familiaran nga nagpasalig ang National Inter-Agency Task Force (NIATF) nga i-review sini ang quarantine status sang Bacolod sa masunod nga duha ka semana.
Suno kay Familiaran, kun padayon ang pagnubo sang kaso sang mga nagapositibo sa COVID-19 sa ciudad, posible nga sa Noviembre 16, ipaidalom ang Bacolod sa Modified General Community Quarantine (MGCQ). Ginpahayag dugang sang bise-alkalde nga mangin ang Regional IATF ang naga-rekomendar naman nga ibutang na sa MGCQ ang Bacolod.
Kahapon nga adlaw, Noviembre 1, anom lang ka mga bag-o nga kaso ang nagdugang sa Bacolod kag ka sa karun nagdangat na ang kabug-usan nga kaso sa 4,811.
Yara naman sa 4,401 ang naka-recover, may 283 nga active cases kag 127 na ang patay. Apang sa nahibaluan nga bulanan na ang announcement sang NIATF sang bag-o nga mga quarantine status sa pungsod kag mangin si Mayor Evelio Leonardia ang nag-issue na sang Executive Order 70 nga naga-extend sang GCQ sa Bacolod tubtob sa Noviembre 30, 2020.
[image: image.png]
