NATIONAL NEWS|Anti-Hazing Bill-lusot na sa Senado

36

Lusot na ikatulo ug uwahing pagbasa sa Senado ang Senate Bill No. 1662 kon Anti Hazing Bill nga nakakuha ug boto nga 19 gikan sa mga Senador, wlay mikontra niini ug wala sad abstention.

Kahinumduman nga ang maong sugyot gimugna gumikan na usab sa pagdungog nga gihimo sa Committee on Public Order and Dangerous Drugs nga gipangunahan ni Senator Panfilo Ping Lacson human sa pagkamatay sa freshman UST law student nga si Horacio Atio Castillo III human nga mipailawom sa hazing sa Aegis Juris Fraternity.

Giamyemdahan ang Republic Act No. 8049 aron hingpit nga ibawal ang hazing isip pre-requisite sa pagsalmot sa usa ka fraternity, sorority o unsa mang organization.

Bawal na usab ang hazing apil na sa armed forces of the Philippines, Philippine National Police, Philippine Military Academy, Philippine National Police Academy ug uban pang uniformed service learning institutions.

Higayon nga hingpit na kining mahimong balaod, ang musupak niini nga miyembro sa organisasyon pahamtangan ug silot nga reclusion temporal o pagkapriso sulod sa 20 ka tuig ug multa nga P1 million.

(Photo From Web)

Facebook Comments