NATIONAL NEWS|Campaign materials nga nabaklas sa Comelec, gamitong ebidensya batok sa mga kandidato

9

Manila, Philippines – gamiton sa Commission on Elections (Comelec) nga ebidensiya batok saa mga kandidato ang mga gibaklas nilang mga illegal campaign materials.

Sumala kang Comelec Spokesperson James Jimenez, ang mga kandidatong mapamatud-ang may illegal campaign materials makasuhan ug paglapas sa Omnibus Election Code.

Gawas sa campaign posters nga wala gasunod sa gitakdang sukat ug wala sa common poster areas, apil usab sa gibaklas ang mga tarpaulin sa mga kandidato nga may mga nakasulat nga pagtimbaya.

Gibutyag usab ni PNP Chief Director General Oscar Albayalde, nga dili lang sa Metro Manila himuon ang oplan baklas.

Samtang gibutyag usab ni LTFRB Chairman Martin Delgra III, gitugutan ang pagbutang ug political ads sa mga sakyanan apan angayan lang nga nagsunod kini sa guidelines sa Comelec.

Sa mga madakpan sa PUVs, kinahangkan magbayad ug multa nga P5,000 alang sa first offense ug suspensyon o kanselasyon sa prangkisa kung pila na ka higayon nga mulapas niini.

Gibutyag pa ni Delgra nga dili ma-impound ang mga sakyanan sa madakpang mulapas sa campaign rules gawas lang kung ang sakyanan usa ka colorum.

Facebook Comments