NATIONAL NEWS|Inflation rate sa bulan sa Pebrero, posibleng muabot sa 4.5% sumala sa BSP

13

Manila, Philippines – Gilaumang muhapak ngadto sa 3.7 hangtod sa 4.5 percent ang inflation rate sa bulan sa Pebrero.

Sumala sa Department of Economic Research (DER) sa Bangko Sentral ng Pilipinas (BSP), ang taas nga presyo sa produktong petrolyo ang usa sa mga nagpataas sa inflation.

Apan gitugbangan usab kini sa ubos nga presyo sa bugas ug uban pang produktong agricultural.

Mikonhod matud pa ang presyo sa bugas ug uban pang produkto gumikan sa pagpalig-on sa piso ug taas nga supply niini.

Gipaniguro usab sa DER nga tutukan sa BSP ang mga pagbag-o sa mga presyo aron siguruon ang monetary policy nga magpadayon alang sa malambuong ekonomiya.

Kahinumduman nga mihapak sa 4.4 percent ang inflation rate niadtong bulan sa Enero 2019.

Facebook Comments