NATIONAL NEWS|Sardine closed season sa Zamboanga, gitanggal na sa BFAR

24

Gihuman na sa Bureau of Fisheries and Aquatic Resources ang tulo ka bulan nga sardine fishing ban sa kadagatan nga bahin sa Zamboanga Peninsula.
Sa usa ka seremonya , gibutyag ni BFAR National Director Eduardo Gongona nga dako ang natabang sa gipatumang moratorium sa pagpangisda aron nga mudako ug mulambo ang ang sardine industry.

Dugang pa nga sugod sa pagpatuman sa closed season niadtong 2015, mitaas ang mga nakuhang isda ug 140 thousand metric tons ngadto na sa 147 thousand metric tons niadtong 2016, ug niadtong 2017, misaka kini sa 160 thousand metric tons.

Basi sa datos sa Philippine Statistics Authority, nakatala ug 0.92 percent ang pagusbaw sa produksyon sa fisheries sector niadtong 2018 kung itande sa 2017.

Dugang pa ni Gongona, target sa ahensya nga maangkon ang 100% fish sufficiency sa tuig 2022.

Tungod niini, mahinungdanon nga magpadayon ug seryoso ang proteksyon sa makonsiderang commercially-important fish stocks sama sa sardinas.

Facebook Comments