NATIONAL|Nahitabong passport data breach sa DFA, makonsiderang bahad sa national security ug personal nga seguridad– PNP

Manila, Philippines makonsidera sa Philippine National Police nga bahad sa national security ang mga gikawat nga datos sa mga Philippine passport holders sa kanhing contractor nga naggunit niini.

Sa gihimong press conference sa Camp Crame, gibutyag ni PNP Chief Police Dir. Gen. Oscar Albayalde nga dili lamang kini bahad sa seguridad, kundi bisan na sa personal nga seguridad sa mga indibidwal nga passport holders.

Bisan paman nga wala pa nakig-alayon ang Department of Foreign Affairs o National Bureau of Investigation kalabutan sa nahitabong passport data breach, abli matud pa ang PNP nga mutabang sa imbestigasyon.

Kayahon matud pa sa PNP- Anti Cyber Crime group ug sa CIDG nga imbestigahan ang mga kaso sa “identity theft”.
(Photo From Web)