By: Edgar T. Dagumo
Dipolog City- Andam na sa pagpahigayon ugmang adlawa sa nationwide protest rally nga pasiugdahan sa Alliance of Concern Teachers (ACT) sa awhag ngadto sa gobyerno alang sa pagpataas sa suholan (salary increase) sa mga magtutudlo public school teachers dinhi sa nasud.
Ugat sa maong protest rally ingon pa ni Raymond Basilio ACT Secretary General human naaprobahan kagahapong adlawa sa kongreso sa second reading ang balaodnon pagpataas sa suholan sa mga uniformed personnel sa gobyerno tumbok niini ang mga PNP ug Military nga piloon sa ikaduha sa kasamtangan niining suholan .
Nagpahahayg sa kadismaya si Sec. Basilio sa eklusibong interview sa DXDR RMN Dipolog karong buntag sa Straight to the Point tungod kay dugay na nga nakasab-it sa kongreso ang sugyot nga dugangan ang sweldo sa mga magtutudlo apan wala kini hatagi sa pagtagad sa mga magbabalaod.
“Daghan ang ilang gipangayo sa atoa kay kinahanglan pa ug pagtoon(study) pagpamatuod nga kini gikinahanglan” pamahayag pa ni Basilio.
Apan gikatingala pa niya nga sa pag-aprobar kagahapon sa kongreso walay pagtoon nga nagsuporta sa nahisgutang sugyot hinoon gidoble pa niini ang suholan sa mga uniformed personnel sa gobyerno samtang 500 pesos lamang ang ihatag sa mga public school teachers ug ubang mga kawani sa gobyerno sa sunod tuig.
Ang 500 pesos salary increase nga ilang madawat sigon pa usab kini sa executive order 201 ni kanhi presidente Benigno “Noynoy”Aquino diin ang 2,000 pesos nga increase gibahin sulod sa upat ka tuig nga kondiin dili lamang ang mga uniformed personnel (PNP ug Military) ang nagkinahanglan ug uswag sa suholan dugang pa ni Basilio.
Awhag lamang niya ngadto sa tanan ilabina sa mga miembro sa Alliance of Concern Teachers nga maghiusa sa maong panawagan ugmang adlawa sa maong rally aron mapahungaw niini ang ilang gibati ug pamasin dunggon sa namunoan sa administrasyong Duterte.
Ang mga miembro sa ACT dinhi sa Dipolog ug Zamboanga del Norte andam na usab niini pinaagi sa pagsuot ug itom nga wrist band pagpakita sa pagsuporta sa kalihukan ugmang adlawa apan gipasalig nga dili mabalda ang klase ugmang adlawa.
