Duha ka kabataan ang napilasan matapos matumbahan sang puno sang lubi kaina sang aga sa Barangay Jereos, Lapaz.
Ginapahayag nga mga alas 11 kaina sang aga sang matumba ang kapin sa 40 ka tapak nga kataason sang puno sang lubi kon sa diin naguba ang bahin sang banyo sang isa ka balay nga natup-an sang lubi.
Naigo man sang paklang sang lubi ang duha ka kabataan nga nakaangkon sang mga menor nga kapilasan sa lawas.
Nahibaluan nga mabaskog ang huyop sang hangin habagat bangud sa Bagyo Ompong.
Facebook Comments
