NBI-SARDO wala pay nadawat nga mando kalabot sa warrantless arrest batok KAPA Founder Apolinario

*General Santos City— Gipaklaro karon ni NBI-SARDO Chief Regner Pineza, nga human ang naimong ronda sa panimalay ug mga buhatan sa Kapa Community Ministry Internation wala pa silay nadawat nga mando alang sa posibleng warrantless arrestbatok sa founder sa KAPA nga si Pastor Joel Apolinario.*

*Sumala kang Pineza nga hangtud sa kasamtangan padayon ang ilahang case build up alang sa posibleng kasong ipasang-at ngadto kang Apolinario ug uban pang mga kaubanan niini.*

*Saysay niini nga walay pagbag-o sa direktiba gikan sa pangulo nga ipasirado ang tanang buhatan sa KAPA sa pagtuong usa kini ka investment scam.*


*Dugang pamahayag ni Pineza nga higayon nga adunay mapasang-at nga kaso batok ang Apolinarioug mapagawasan na kini ug warrant of arrest, kana pa lang ang higayon nga siya pangitaon aron dakpon gumikan adunay basihan sa pagdakop kaniya.*

*Dako man usab ang pagtuo ni Pineza nga dili igong basihan ang pagpa-ilalom sa Mindanao sa martial law aron nga ipatuman ang warrantless arrest batok sa usa ka indibidwal nga wala pa napasakaan ug kaso sa korte.*

*Saysay niya nga adunay mga ginatuman nga probisyon ang warrantless arrest ingon man ang posibleng pag-aresto ilalom sa martial law ug sayud matud pa nga dili lakip sa maong mga basehan ang operasyon sa KAPA aron nga makadeklara ug warrantless arrest batok sa founder niini sa bisan kinsang lakip sa operasyon sa KAPA.*

*Sa karon, ang posible lang matud pang mapasaka nga kaso batok kang Apolinario mao ang pagsupak sa securities code, apan sa hisgutanang operasyon sa KAPA o dili ba kaha sa gika-ingong economic sabotage, wala pay kasong napasakangat batok kanila.*

Facebook Comments