NCIP 11, nadismaya sa kongreso

Davao City- Gikadismaya sa National Commission on Indigenous People Davao Region ang pag-apruba sa kongreso sa usa ka libo ka pesos nga pondo alang sa mao nga buhatan sunod tuig.

Sumala ni NCIP Legal Officer Atty. Ronnie Bulotan nga dakong epekto sa ilang programa ug proyekto sa mga lumad sa rehiyon ang paghatag sa kongreso og usa ka libo ka pesos nga pundo sunod tuig.

Sigun ni Atty. Bulotan, plastada na ang mga programa ug mga proyekto alang sa mga Lumad sa rehiyon sunod tuig.


Kabahin sa mga programa ug proyekto mao ang pag-release sa 27 title certificate ancestral domain, unclaimed ancestral domain, ancestral domain sustainable development ug daghan pang uban.

Busa nabalaka ang opisyal nga basin mabutang sa alanganin ang implementasyon sa programa ug proyekto kung hatagan lang ang NCIP og usa ka libo ka pesos nga pundo sunod tuig.

Gibatikos ni Atty. Bolutan ang kongresista sa usa ka partylist gumikan sa pagrekomendar sa usa ka libo ka pesos nga pondo sa ilang buhatan sunod tuig.

Matud sa Abogado nga dili makingayon nga tuliskon ang ilang buhatan sa pamatay sa mga Lumad sa ato nga dapit nga maoy gigamit nga rason sa kongresista aron wad-an sila og pondo sunod tuig.

Dili buot magpa-apekto ang NCIP 11 sa usa ka libo ka pesos nga pondo apan magpadayon gihapon sila og trabaho maingon sa pagtabang sa mga Lumad maana-a ma’y alokasyon o wala.

Hinoon, wala mawad-i og paglaum si Atty. Bolutan tungod pipila sa mga senador mipasalig nga ilang kontrahon kung unsa man ang naaprubahan sa kongreso nga pondo alang sa CHR, ERC ug NCIP.

Kasamang Joel Viray

Facebook Comments