NDRRMC: 1st quarter online NSED himuon sa Marso

38

Davao City – Ipahigayon karong Marso 2021 ang online Nationwide Simultaneous Earthquake Drill (NSED) sa pagpanguna sa National Disaster Risk Reduction and Management Council (NDRRMC).

Sa interbyu sa DXDC RMN Davao kang Mark Timbal, Spokesperson sa NDRRMC, gi-anunsyo niini nga himuon ang first-quarter online NSED sa Marso 11, 2021, adlawng Huwebes sa alas-2 sa hapon diin gi-awhag ang katawhan nga manan-aw sa live stream ug dungan nga mag ‘duck, cover, and hold’ sa ilang panimalay, opisina atol sa pag tingog sa alarm.


Gipasabot ni Timbal nga kinahanglang kanunay nga mangandam sa linog aron nga magbaton og igong kahibalo ang publiko kung unsay angayang buhaton panahon sa aktwal nga sitwasyon ug aron malikayan ang unsa mang disgrasya.

“Sa March 11 meron po tayong Nationwide Simultaneous Earthquake Drill (NSED) alas-2 ng hapon. Online po nating gagawin ‘yan. Sana po makiisa yung mga kababayan natin dito po sa gagawin nating paghahanda na ito na kasanayan para sa lindol,” anunsyo ni Timbal.

Wala usay mahitabong evacuation drills isip pagtuman sa minimum public health measures batok Coronavirus Disease 2019 (COVID-19).

Kahinumduman nga sagunson usab ang nasinatiang linog sa pipila ka areas dinhi sa Davao Region ning milabay nga mga semana.




RadyoMaN Kirby Manzon

Facebook Comments