NDRRMC, nagpagwa sang ₱18.3 million para sa cloud seeding operations

197

Nagpagwa na ang National Disaster Risk Reduction and Management Council (NDRRMC) sang ₱18.3 million para sa cloud seeding operations sa mga lugar nga apektado bangud sang El Niño phenomenon.

Igahatag ang pondo sa Department of Agriculture (DA) para sa cloud seeding operations nga patigayunon sang Philippine Air Force.

Suno kay NDRRMC Undersecretary Ricardo Jalad, makabulig ang cloud seeding nga pataason ang tsansa nga mag-ulan.

Target sang NDRRMC nga patigayunon ini sa Cagayan Valley kag Soccsksargen sa tunga-tunga sang Marso 14 tubtob Mayo 21.

Sa datos sang DA, naglab-ot na sa ₱464.3 million ang kahalitan sa produksyon.

(pctto)

Facebook Comments