NEA – Sitio Electrification Program Nagtaao Nin Liwanag sa Dagdag na 111 Kaharongan sa Partido

Goa, Camarines Sur– Lampas sanggatos na kaharongan (111) sa Sitio Lip-ac, Goa, Camarines Sur an naging maogmang benepisyaryo kan Sitio Electrification Program kan National Electrification Administration (NEA) sa paagi kan implementasyon kan CASURECO IV.

Bago mag-Pasko, kinondocer an Switch-on Ceremony na pinangenotan ni Renato San Jose, General Manager kan CASURECO IV na nagsasakop sa ika-Apat na Distrito kan probinsya, asin mga nagrorokyaw na residentes kan barangay.

“Padagos an ginigibong espwersos kan Kooperatiba para maserbehan an mga hararayong sitio asin makipagtabangan sa mga signifikanteng sector asin stakeholders para makagibo nin unified strategy for household level electrification.”, sabi ni San Jose.


Presente man sa okasyon si Arnie Fuentebella, kandidato para kongresista sa Partido. Sa saiyang mensahe, giniromdom niya an naging papel kan saiyang lolo, dating Gobernador kan Camarines Sur Felix Abad Fuentebella, sa pagmukna kan CASURECO IV na solamenteng maserbi sa kunsomedores kan Partido. Tinawan duon nya man an mga proyekto kan saiyang ama na si Congressman Noli Fuentebella kan ini maging Chairman kan Committee on Energy, kun saen 100% napatakudan kuryente an 299 na barangay.

As of June 30, 2018, nasa 56,034 na harong sa 4th District an nakikinabang sa serbisyo kan CASURECO IV asin naging maginhawa an pagbuhay. Nasa marhay na posisyon an Partido sa urolay nin pakuryente nin huli sa prayoridad na itinatao digdi kan Department of Energy kun saen nakatukaw si Wimpy Fuentebella bilang Undersecretary.

Dagdag pa ni Arnie, itutulod nya an sustainable na pag-uswag kan distrito sa paagi nin pagpa-ilaw kan lambang harong sa mga hararayong sitio.
credittothesource:Ma.CeliaSanJose

Facebook Comments