Negative RT-PCR Result, gikinahanglan pasulod sa Bukidnon sa dili bakunadong indibidwal

14

Gikinahanglan nga magpresenta og Negative Result sa RT-PCR Test ang mga mubyahe pasulod sa probinsya sa Bukidnon kung dili pa kini bakunado.

Kini ang usa sa mga probisyon sa gipagawas nga Executive Order no. 33 sa probinsyal nga pangagamhanan sa Bukidnon kabahin sa pagpaubos sa status sa probinsya sa Alert Level 2.

Giklaro niini nga gikinahanglan lamang ang negative result sa maong test sa dili bakunadong indibidwal nga musulod sa probinsya inubanan sa pagpresenta sa government ID samtang vaccination card ug government ID usab ang gikinahanglan para sa mga bakunado.


Samtang para sa mga dili bakunadong kabataan, dili na kinahanglan nga magpresenta og negative result apan kinahanglan nga uban ilang ginikanan nga fully vaccinated.

Ang maong kamanduan gipagawas sa probinsya sa Bukidnon sa bulan sa Nobyembre alayon sa pag-ubos sa mga natalang kaso sa Covid-19 sa probinsya.

Facebook Comments