Arestado ang isa ka negosyante sa implementasyon sang search warrant sang Philippine Drug Enforcement Agency Regional (PDEA 12) sa bahin sang Odi St., Barangay Zone II, Koronadal City, South Cotabato.
Ginkilala ang suspek kay Nathaniel Wilson Tse Yu, Alias Nat–nat*, *26 –anyos, single kag residente sang nasambit nga lugar.
Sa nasambit nga operasyon nakumpiskar ang more or less 1.5 grams sang ginaaligar “shabu” nga nagakantidad sang P10,200.00.
Namonitor sa pagpalapta sang illegal drugs sa Koronadal si alyas Nat-nat matapos ibulgar sang nadakpan nga drug personalities sa police operation sang nagligad nga bulan sang Abril.
Kaso naman nga pagbayolar sa Section 11 (Possession of Dangerous Drugs), sang RA 9165 o “The Comprehensive Dangerous Drugs Act of 2002” ang ipasaka batok sa suspek nga sa subong nakadetine sa PDEA 12 detention facility.
