Negosyante, dakpan sa buybust operation

General Santos City—- Dakpan sa gipahigayong buybust operation sa City
Police Drug Enforcement Unit ang usa ka negisyante alas 2 pasado ang takna
sa hapon sa May Prince Field, Brgy. Apopong ning dakbayan.

Giila ni Police Inspector Renato Dungca, labaw sa CPDEU ang target nga si
Garry Ong, 49 anyos nga residente sa Brgy. North ning dakbayan kung asa
napalitan kini ug usa ka sachet sa gituuhang shabu kantidad usa ka libo ka
pesos.

Pamahayag ni Inspector Dungca nga nahitabo ang transaction sulod sa
sakyanan sa suspek kung asa paspas matud pa kining misibat human masayran
nga adunay pulis sa palibot.


Dugang pamahayag niini nga wala sa ilahang watchlist ang suspek nga si Ong
apan basi sa pamahayag sa suspek konektado kini sa negosyanteng si
Francisco Soria jr., nga anaa sa watch list sa GSCPO nga una ng
gipusil-patay.

Sa karon, ginasuta pa nila kung unsa na kadugay nga nahilambigit sa druga
ang suspek apan basi sa ilahang nakita sulod sa sakyanan niini, nagkatag
ang mga residue sa illegal nga droga.

Kalabot niini, gibutyag ni Inspector Dungca nga kaabag nila sa operasyon
mao ang SWAT gumikan basi sa ilahang informant, kanunay nga nagadala ug
armas ang suspek ug wala sila naka-uniform ug naglikay sila nga mahagbong
sa maduguon ang operasyon.

Narekober gikan sa suspek ang usa ka kalibre 45 nga armas nga may mga
buhing bala, drug paraphernalia ugmarked money nga usa ka libo ka pesos.
Kasong paglapas sa r.a 9165 ug r.a 10591 ang atubangon sa suspek nga
kasamtangang balhog na sa lock up cell sa makar police station.

Facebook Comments