Negosyante gintiro makapito ka beses, wala naigo

BACOLOD CITY – Wala bisan isa ka igo sang bala bisan pa nga pito ang nag-igo sa salakyan sang isa ka negosyante, takna la 3:10 sini nga kaagahon, October 10, 2017.

Nakilala ang biktima kay Joseph Nazareno, isa ka negosyante kag ginakilala man nga mataaas nga opisyal sang ACT-CIS sa Negros.

Ginluthang ini samtang nagamaneho sang iya nga salakyan nga Mitsubishi Montero Sports, silver gray samtang nagalabay sa atubangan sang Aboy’s Restaurant paguwa na sa Goldenfield Commercial Complex-Bacolod.


Ang mga suspek ang nagasakay man sa puti man nga Montero Sports.

Sa exclusive interview sang DYHB-RMN Bacolod, suno kay Nazareno pito ka mga bala ang nag-igo sa iya salakyan apang nag pasalamat ini nga wala siya napuruhan ukon nasamaran.

Wala paman sini natumod ang mga suspetsado kag motibo sa krimen, samtang padayun pa ang imbestigasyon sang CIDG-Bacolod kag Police Station 8 sa natabu sa diin nakuha ni Nazareno ang plate number sang mga gunmen.

Facebook Comments