SAGAY CITY, NEGROS OCCIDENTAL – Padayon pa karon nga gina-usisa sang mga katapo sang Sagay City Police Station ang motibo sang krimen kag kon sin-o ang mga suspek nga nagtiro patay sa isa ka negosyante kagab-i sa Brgy. Paraiso, Sagay City.
Ang biktima ginkilala kay Christian Analucas, 36 anyos, residente sang amo nga lugar kag anak ini sang anay konsehal sang ciudad nga si Coun. Samson Analucas.
Suno sa inisyal nga imbestigasyon sang pulis, ang insidente natabo may mga las 6:45 kagab-i sa Brgy. Paraiso kon diin ang biktima ang gintiro sang mga suspek nga nagasakay sa motorsiklo.
Nag-angkon sang pilas sa iya lawas ang biktima kag gindala pa sa bululngan apang wala nakasalbar kag napatay.
[image: image.png]
Facebook Comments
