Polomolok, South Cotabato— Patay ang usa ka Jerkim Benicario, 27 anyos human kining gipusil alas 9 pasado ang takna sa gabii milabay’ng adlaw sa Prk. 4, Brgy. Crossing Palkan Polomolok.
Sumala kang Police Chief Inspector Alex Joe Orcajada, hepe sa Polomolok Municipal Police Station nga basi sa inisyal nga imbestigasyon, gikan sa dakbayan sa Gensan ang biktima ug pauli na unta sa Tampakan apan paghidangat sa maong lugar, kalit nalang kining gipusil.
Igo sa iyahang papangig ug abaga ang biktima nga daling gidala sa balay tambalanan apan gideklara kining dead on arrival.
Basi matud pa sa pamahayag sa bana sa biktima nga wala silay nasayran nga posibleng maghimo sa krimen gumikan wala man silay naka-away ayha nahitabo ang maong pagpamusil.
Kung asa nagconvoy matud pa sila s aiyahang asawa dihang nahitabo ang pagpmausilkung asa siya ang sakay sa ilahang 4-wheel nga sakyanan samtang ang biktima ang sakay sa motorisklo gumikan nangmpra sila ug kay-ukay dinhi sa dakbayan sa Gensan,
Dugang pamahayag ni PCI Orcajada nga narekober sa crime scene ang mga basyo sa calibre 45 nga armas kung asa ilahang ng gipa-ilalom sa ballistic examination aron masayran kung gikan kini sa armas sa grupong ilahang ginasundan.
Pag-angkon niya nga aduna na silay ginatutukan nga posibleng person of interest sa maong pagpamusil apan ilaha nalang ginahulat ang resulta sa examination. Dako man usab ang ilahang pagtuo nga na-tripan lang sa mga suspek ang biktima nga sakay sa iyahang motorsiklo.
