General Santos City–Padayong gina-ila karon sa Police Station 4 ang driver sa tricycle nga mibiktima sa usa ka negosyante nga gi-ilang si Mike Balandra, 61 anyos nga nanimuyo sa Soriano street, Barangay City Heights ning syudad human nga mi-palit matud pa kini ug lima ka case sa ilimnong makahubog ug wala mibayad.
Sumala pa nga als 3:00 ang takna sa hapon ang suspect matud pa nga driver sa tricycle ang nagpakaron-ingnon nga mopalit ug ilimnon ug nagpabutang ug lima ka case sa beer apan human nga makatalikod ang biktima gilayong gipa-andar sa suspect ang iyahang tricycle palayo sa tindahan sa biktima padulong sa wala matinong direksyon nga walay bayad-bayad.
Human ang pipila ka oras narecover man usab sa mga personahe sa mobile patrol unit ang tricycle sa area sa Police Station 1 nga giabandona sa wala mailhing suspect nga dunay kargang tulo ka case sa ilimnon apan walay unod.(Dave Silagan)
