NEGOSYANTE SANG BABOY NGA GINLUTHANG PATAY SANG DUHA KA PARES SANG RIDING IN TANDEM SA MABINI ST., CITY PROPER, HIGH VALUE TARGET LEVEL 1 SUNO SA IMBESTIGADOR.

44

High value target level 1 sang Molo PNP ang ginluthang patay sang riding in tandem nga si Lhuil Clemente sang East Baluarte, Molo.

Ini ang ginpahayag ni Police Staff Sgt. Rhizan Magoleño, imbestigador sang Police Precinct number 1 base sa ila ginhiwat nga imbestigasyon.

Suno kay Magoleño nga sa ila pagpangusisa sa background ni Clemente, nahibaluan nga isa ini ka drug surrenderee sa distrito sang Molo kag nag-graduate na sa rehab program sang Campo Delgado kag naka-avail man sang livelihood assistance.

Ginapalman pa sang kapulisan kon may kahilabtanan sa illegal nga druga ang pagluthang sa biktima ukon basi may iban pa nga motibo sa likod sang nasambit nga krimen.

Nahibaluan nga naganegosyo sang karne sang baboy ang biktima kag nagapautang man sang kuwarta sa ila lugar.

Facebook Comments