Negosyo sa Bacolod amat-amat pa lang nagabangon suno sa MBCCI

16

Aminado ang Chief Executive Officer (CEO) sang Metro Bacolod Chamber of Commerce and Industry (MBCCI) nga amat-amat lang ang pagbangon sang mga negosyo karun nga yara na sa Modified General Community Quarantine (MGCQ) ang probinsiya sa diin nagbukas na ang mga negosyo.

Sa interview sang DYHB kay Frank Carbon, karun nga nagbukas na ang mga negosyo, amat-amat naman nga magahulag ang ekonomiya bangud maka-sweldo na ang mga empleyado gani magasugod naman ang demand kag produksyon sang mga produkto, apang iya ginapanugyanan ang ila mga miembro nga magpatuman lang anay sang price freeze bangud maiwat pa ang kwarta.


Apang suno kay Carbon, manilag anay sila dalagan karun sang mga negosyo ilabi pa nga may kakugmat pa ang mga tawo nga maguwa bangud sang COVID-19.

Bangud nga indi pa man ang kabug-usan sang workforce ang nakabalik, nagapanawagan naman ini sa gobyerno nga padayunon lang anay assistance sa mga pumuluyo, kag kun mahimo ibalik naman ang mga public constructions.

Samtang, aminado naman si Carbon nga “bad timing” ang hirit karun nga pagpasaka sa sweldo bangud nga amat-amat pa man lang nga nagabukas ang mga negosyo sa diin limitado pa sa 50% ang maakomodar nga kadamuon sang tawo sa tagsa ka business establishments.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments