Negros Occ. officials wala sa una nga verified narco list ni Pres. Duterte, lima ka mga pulitiko sa Iloilo kag Antique nalakip sa 40 ka mga ginpanglawag

525

DAVAO CITY – Lima ka narco-politicians gikan sa Western Visayas ang kalakip sa ginlawag ni Pangulong Rodrigo Duterte sa narco-list sini lamang nga gab-i (Marso 14).

Ini sila amo sanday Mayor Julius Ronald Pacificador sang Hamtic, Antique; Anay Mayor Jed Patrick Mabilog sang siyudad sang Iloilo; Mayor Sigfred “Salagunting” Betita sang Carles, Iloilo; Mayor Mariano M. Malones sang Maasin, Iloilo kag Vice-Mayor Ariel Alagos sang Culasi, Antique.

Wala naman sa una nga ginasiling verified list bisan isa gikan sa Bacolod City ukon Negros Occidental.

Ginhimo ni Presidente Duterte ang liwat nga paglawag sang Narco-politicians sa Davao City base sa validated report sang DILG.

Una na nga ginpahayag sang DILG nga ila ipaguwa ang listahan sang narco-politicians agud mangin balasehan sang mga botante sa pagpili sa palaabuton nga mid-term elections sa Mayo 13.

Si President Rodrigo Duterte ang nagpanguna sa National Peace and Order Council (NPOC) meeting sa Davao City.

| Via RMN Iloilo

Facebook Comments