Neonatal Mortality Sa City Hospital Mikunhod

Pormal nang gi-ablihan alang sa publiko ang Kangaroo Mother Care Room (KMC) sa city hospital karong adlawa, Oktubre 12, 2018 alang sa mga gihimugso nga mga pre-mature ug mga underweight. Kini adunay kalambigitan sa pagkab-ot sa zero neonatal mortality sa JR General Hospital (JRGH).

Matud pa ni Dr. Stephanie Alagadan, chief Pediatric Unit sa maong hospital nga anaa sa .38% ang overall neonatal mortality sa 5, 193 nga live births gikan Enero hangtud Setyembre ning tuiga kumpara sa .69% sa imaging tuig 2017.

Gibutyag ni-ini nga sa 2017 nga mga datus, 124 ka mga bag-ong gihimugso ang nagtimbang lamang sa 1.6kg o pre-mature ug 229 usab ang underweight kon mitimbang lamang ug 2.5kg sa kinatibuk-ang 7, 803 live births.


Tungod ni-ini gitinguha sa mga kadagkoan sa city hospital sa pagpangulo ni Dr. Ramon Neri nga matabangan ang mga inahan ingon man ang mga bag-ong gihimugso nga makab-ot ang himsog nga pagdako ug motaas pa ang survival rate ni-ini.

Naa ka bay reaksyon kalabot ning maong estorya? Mamahimo nimong ipabuhagay ang imong mga komento sa comment box sa ubos ning maong artikulo.

Sources: CIO CDO City, Directmap.ph

Facebook Comments