CADIZ CITY, NEGROS OCCIDENTAL – Nasapwan na gid lamang nga nagabitay kag patay na ang isa ka lalaki nga may nervous breakdown sa sulod sang ila balay pasado las 8 kahapon sang aga sa ciudad sang Cadiz.
Nakilala ang biktima nga si Joemar Dignos, 32 anyos ang edad, may asawa kag pumuluyo sang Brgy. Andres Bonifacio, Cadiz City.
Nahibaluan nga ang biktima ang naga-suffer sang nervous breakdown kag ini ang nasapwan nga naga-bitay sa balayan sang ila balay gamit ang kalat nga ginalawig sa karbaw.
Suno sa iloy sang biktima nga si Preciosa Dignos, 66 anyos ang edad nga antes natabo ang insidente, iya pa sini ginkadtuan ang iya bata kag gintemplahan sang ma-inom.
Apang sang ini ang iya ginbalikan, nasapwan na lamang niya nga nagabitay gani ginhingagaw pa nila ini dala sa ospital, apang gin declare na nga dead on arrival./dyHB BACOLOD
