News Update: Suspek sa paglugos kag patay sa 5-anyos sa Tampakan, South Cotabato tigayon na nga nadakpan.

45

Tigayon na nga naaresto kahapon nga adlaw sa pagpanguna sang Tampakan Pnp ang suspek sa paglugos kag pagpatay sa 5-anyos nga bata nga babaye sa Purok Mainuswagon, Barangay Poblacion, Tampakan, South Cotabato sang Dominggo nga adlaw, Hunyo 10, 2018.
Suno kay Police Sr. Inspector Rafael Banggay, Chief of Police sang Tampakan Pnp naaresto ang suspek nga si Sandro Ogdamin, 42-anyos sa bahin Poblacion, Alabel, Saranggani Province, pasado alas dose kahapon sang udto, Hunyo 12, 2018.
Ginpaidalom naman sa drug test ang suspek agud nga mahibaluan kon bala nagagamit gid man ini sang iligal nga droga tungod ang ginhimo suno pa sini ang indi buluhaton sang normal nga tawo.
Sa subong nakadetine sa Tampakan lock –up cell ang suspek kag natalana naman nga ipasaka ang kaso nga rape with homicide batok sa iya.
Apang tungod sa kaakig sang pamilya kag katawhan sa suspek nga nagadagsa sa police station sang banwa naghingyo suno pa siya sang dugang nga pwersa sa South Cotabato Police Provincial Office agud nga magbulig sa ila patuman sang seguridad.
photo credit to the owner

Facebook Comments