NFA South Cotabato giklarong wala sila miundang ug pamalit ug palay sa mga mag-uuma.

Koronadal City— Gipaklaro sa pamunuan sa National Food Authority kon NFA South Cotabato nga nagstop buying ang ahensya, sanglit nagpadayon hangtod sa kasamtangan ang ilang pagpamalit ug produkto nga palay sa mga mag-uuma sa probinsya.

Gibutyag ni NFA Provincial Manager Nelson Sañada, nga sa bulan sa Oktubre mokabat sa 281% ang ilang accomplishment. Gikumpirma usab niini nga pipila ka mga bodega nila ang puno na ug kinahanglan nang ibalhin ang mga stocks.

Pagpaklaro pa ni Sañada nga kon nanglista lang sila sa nakalabayng semana, kini gumikan adunay naka-sechedule nang daan nga mag-deliver hangtud na sa Nobyembre 16. Dugang niini nga ang mga nakaparada sa karon nga mga truck nga kargado ug palay sa gawas sa NFA South Cotabato ang nakaschedule na.


Samtang, gisiguro usab sa NFA provincial manager nga tanan nga mga mag-uuma nga magdeliver ug produkto nga palay paliton gyud sa ahensya base usab sa kamanduan. Nasayran nga anaa sa P19.00 matag kilo ang buying price sa NFA sa produkto nga palay.

Facebook Comments