NFA South Cotabato padayon ang pagpamakal sang produkto nga palay sang mga mangunguma sa probinsya, tungod sa lockdown buying price sang mga traders nagsaka man suno pa.

16

Nagapadayon suno kay National Food Authority Provincial Manager Nelson Sañada ang procurement operation sang talatapan sa produkto nga palay sang mga mangunguma dire sa probinsya bisan may ginapatuman nga lockdown.
Suno sa iya yara sa P19.00 ang buying price sang NFA amo nga ginaawhag niya ang mga mangunguma nga luyag magdeliver sang ila nga produkto nga palay nga bukas ang ila nga talatapan kag bisan ang ila nga mga buying stations sa banwa sang Banga, Norala, Surallah, Tantangan kag Sto. Niño Lunes tubtob Dominggo nga adlaw.
Samtang may plano naman suno pa ang city government sang Koronadal nga dugangan sang P2.00 ang buying price sang NFA nga ang ginahulat na lang ang pagpirmahanay sang MOA.
Apang tungod sa lockdown indi na basta makalusot sa subong ang mga traders agud mamakal sang palay sa iban nga probinsya amo nga nagsaka na ang ila nga buying price sang produkto nga palay dire sa probinsya.
Ginkumpirmar man ni NFA Provincial Manager Sañada nga sa tunga sang COVID-19 pandemic nagsaka sang P2.00 tubtob P3.00 ang kada kilo sang commercial rice nga dapat aksyunan suno pa sang Department of Agriculture.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments