Nibukol / Prostituted woman, nibukol ang agtang ug nagkadugo ang baba kay gikulata sa iyang partner

Nibukol ang agtang, nagkadugo ang baba ug naghilaka nga niabot sa dxCC-RMN Cagayan de Oro ang usa ka prostituted woman human gikulata sa iyang live-in partner.

Ang biktimang 20 anyos ang narescue sa dxCC news team sa Barangay 19 ning syudad.

Sa interview ni RadyoMaN Zaldy Ocon sa programang Straight to the Point- Kuskos Batikos, gisaysay sa biktima nga gikan siya sa Divisoria kagabie aron manginabuhi ug pag-abot sa ilang balay gikulata kini sa iyang partner.


Matud sa biktima nga tulo ka tuig na silang nag-uban sa suspek nga si Kenneth Magallanes, 24 anyos, usa ka construction worker nga taga Capistrano/Luna Street ning dakbayan ug sige na siyang gakulatahon niini.

Tungod sa nahitabo, gitawagan sa dxCC ang kapulisan sa Divisoria aron maatiman ang maong kaso.

Lakip si Divisoria Station Commander Julius Clark Macariola IV ang midalikyat sa dxCC aron makita ang biktima ug suspek.

Dinhi na gipusasan sa kapulisan ang suspek nga si Magallanes.

Dali usab nga gihatud sa kapulisan ug dxCC-RMN Cagayan de Oro news team ngadto sa Police Station One Divisoria ang biktima ug suspek sakay sa dxCC mobile patrol.

RayoMaN Annaliza Amontos-Reyes

Facebook Comments