Night market bombing usa ka leksyon

21

Davao City – Gikalipay sa usa ka professor ang pagkab-ot sa hustisya sa mga biktima sa Roxas Night Market bombing human nahukmang guilty sa patong-patong nga kaso ang mga responsable sa krimen.

Sa interbyu sa DXDC RMN Davao kang Ramon Beleno III, usa ka political analyst ug professor sa Ateneo de Davao University, gibutyag niini nga bisan og miabot og upat ka tuig, apan importante nga nakab-ot sa hingpit ang hustisya ug masilotan ang mga kriminal.

Dugang ni Beleno nga gawas sa hustisya, magsilbi usab nga leksyon ang maong insidente aron dili na mausab ug dili na himuon labi na nga daghang mga inosenteng indibidwal ang mapagan sa maong binuhatan.

“Itong lumabas na desisyon (sa Roxas Night Market) does not only entail justice but also (para) matakot din ‘yung mga future na gagawa ng ganung terroristic activities,” saysay ni Beleno.

Subay sa gipagawas nga desisyon sa Regional Trial Court Branch 266 sa Taguig City niadtong Lunes (September 28, 2020), guilty sa kasong multiple murder ug multiple attempted murder ang pito ka akusado nga sila TJ Tagabaya, Wendel Apostol Facturan, Musali Urbano Mustapha, Jessy Vincent Guinto Original, Zack Haron Lopez, Jackson Mangulamas Usi ug Ausa Abdullah Mamasapano diin gisentensyahan og reclusion perpetua o tibuok kinabuhi nga pagkapriso ang nahisgutan.

RadyoMaN Kirby Manzon

Facebook Comments