Ginakonsiderar ni Acting Mayor Joe Espinosa III nga magbukas sang night market para sa ukay-ukay kag iban pa nga mga balaligya.
Ini sa tunga sang ginpabaskog nga kampanya sang siyudad batuk sa ukay-ukay nga ginabaligya sa mga public plaza.
Suno kay Espinosa nga indi dapat himuon nga baligyaan ang mga plaza sa siyudad agud ma-preserbar ang katahum sang mga ini kag mapabilin ang purpose sini nga lalagawan kag paliwa-liwahan.
Gin-ako sang acting Mayor nga kabahin na sang pangabuhi sang mga pinoy ang pagpamalaklon sa mga ukay-ukay kon sa diin bisan diin lang sa Pilipinas makita ini apang dapat indi sa public plaza.
Isa sa iya nakita nga option agud maakomodar ang ukay-ukay amo ang paghiwat sang Night Market para diri .
