Nilayas nga COVID patient gipangita na

54

Davao City – Padayon karong gipangita ang usa ka COVID-19 positive human milayas gikan sa iyang Quarantine Facility. Matud ni Davao City Mayor Sara Duterte, nawala kini ug gitohoang niikyas niadtong Sabado (May 9, 2020).


“Positive to siya and na-missing na siya. Wala na siya didto sa ilang balay, wala na siya didto sa ilang barangay. Babae siya and we do not know asa siya sa pagkakaron,” matud niini.

Matud sa mayor, gawas niining nakalayas nga usa, daghang pa ang nagtinguhang mo-eskapo.

Samtang gibutyag ni Southern Philippines Medical Center (SPMC) Chief Dr. Leopoldo Vega sa interbyu sa DXDC RMN Davao nga usaka Badjao nga taga-Brgy. 23-C ang maong pasyente.

Sumala ni Vega, usa kini ka ‘asymptomatic’ nga naka-confine sa mild-positive quarantine facility. Gipahugtan na karon ang pagbantay sa mga quarantine facilities aron wala nay makalayas pa.

RadyoMaN Aimee Guinita

Facebook Comments